Mirentxin Gidariak omenduko dituzte zapatuko IX. Itsas Martxan

Itsas Martxa, artxiboko irudian.

Urteroko ohiturari jarraituz, aurten ere euskal preso eta iheslarien aldeko Itsas Martxa egingo dute Plentziako itsasadarrean zehar nabigatuz; abuztuaren 6an, zapatuan, 11:30ean jarri dute hitzordua.

Plentziako Itsas Martxa guztiak bereziak dira, baina aurtengoa are hunkigarriagoa izango da euskal presoen aldeko Mirentxin Gidarien sareari omenaldia egingo baitiote. Hainbat urtez, dispertsioa pairatu duten senideen zama arintzeko helburuagaz milaka kilometroko joan-etorriak egin ostean, urtarrilean disolbatzeko erabakia hartu zuen kolektiboak; hori dela eta, aurtengo IV. Itsas Martxan omenaldi berezia egingo diete. 

Jardunaldia 11:30ean hasiko da Plentziako zubi zurian martxan parte hartuko duten itsasontzi eta piraguen elkartzeagaz. Ostean, 12:00etan, Plazatxoan batu eta euskal presoen senideei eta Mirentxin Gidariei omentzeko ekitaldia egingo dute. Hori bukatzean, 12:15ean, Itsas Martxa eta manifestazioa hasiko dute, Ur kontzertuaren musikak lagunduta; izan ere,, Plentziako itsasadarreko uretatik kontzertua eskainiko dute Xabi Solanok eta  DZ-k (Esne Beltza Sound System).

Itsas Martxa bukatzean, herri-bazkaria egiteko Elizako plazan elkartuko dira 15:00etan, eta, arratsaldean, 17:30ean, Arene 6 eta Kaleko Urdangak taldeek kontzertua eskainiko dute.

Itsas Martxan parte hartzeko piraguak erreserbatzeko 637 070 889 telefonoa ahalbidetu dute antolatzaileek. Bestalde, herri-bazkarirako tiketak honako taberna hauetan eros daitezke: Uriola (Plentzia), Txiberri (Urduliz), Laiak (Sopela), Nebak (Berango), Hator (Algorta) eta Mungiako Herriko taberna.

Erlazionatuak

Mikel Moreno ‘Peyejo’: “Gure helburua beti izan da egiten genuen bidaia bakoitza azkena izatea, eta badirudi hori lortze bidean gaudela”

Getxo

Euskal presoen dispertsioa pairatzen duten senideen zama arintzeko asmoz sortu zen Mirentxin Gidariak boluntarioen sarea. Mikel Moreno Peyejo algor...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun