Urtarrilean abiatu zuten prozesu honetako tailer irekiak maiatzaren 13an eta 20an egingo dituzte, biak astelehenetan, 18:00etatik 19:00etara, Goñi Portalen. Bertan, herritarren ekarpenak jasoko dituzte herriko parke eta plazen inguruan, horiek denontzako modukoak izan daitezen.
Lehen deialdian itsasadarraren inguruko eremuez arituko dira, hala nola Ontziola plaza, Labastureko gunea, Txipioko parkea, Ondarreta parkea edo Gazteluondo errotako parkea.
Bigarren deialdia, hilaren 20an egingo dutena, alde zaharreko eremuez berba egiteko balioko die. Hala, eliz plaza, Antolin plazatxoa, Azurtegiko plaza, Txipioko parkea edo Mentxaka zugaztia bezalako guneak aztertuko dituzte, besteak beste.
