2022-2023 eta 2023-2024 ikasturteetan, udalerri-mailan, ikastetxeek Garapen Iraunkorrerako 7. Helburua (Energia irisgarria eta ez-kutsatzailea) izan zuten helburu. Ikasleek proiektuaren barruan egin dituzten jarduerak aurkeztu zituzten foroan eta horien artean, Rexcatering proiektua nabarmendu zuten. Ekimen horren bidez, eskoletako jantokiko elikagai-soberakina aprobetxatzen dute, beharra duenaren eskura egokitutako makina batean jarriz. Gainera, eskola-komunitate osoaren parte-hartzea azaldu zuten, era "planifikatuan eta borondatez".
Gainera, Plentziarako hobekuntzak aztertzeko prozesuaren barruan, udalerria jasangarriagoa izan dadin hartzen dituzten konpromisoak aurkeztu zituzten, udalari zuzendutako proposamenakaz batera. Ondoren, alkateak aurkeztutako proposamen guztiei erantzuna eman zien eta horietako batzuk ezartzeko aukera aipatu zuen. Amaitzeko, Aitor Garagarzak ikasleek programa honetan egindako ahalegina eskertu eta hurrengo ikasturtean parte hartzera animatu zituen.