Aurten ere, walking football txapelketa bategaz hasi dituzte jaiak Txipio auzoan. Ekainaren 30ean izan zen, eta Athletic Fundazioa, CDF Ibarreko, Real Sociedad Fundazioa, Berango FT eta SD Plentzia taldeak aritu ziren Errotabarri futbol zelaian. Horrez gain, uztailaren 9an, 22:00etan, Mavka, basoaren zaindaria pelikula eskainiko dute euskaraz Gatzamiñen egingo duten aire zabaleko proiekzioan.
Egitaraua:
Uztailak 10, eguaztena
- 11:00 Txupinaren jaurtitzea eta txistulariak.
- 12:00 Lore-eskaintza eta aurreskua.
- 17:00 Dantza-saioa, Plentziako Itxas Eder taldearen eskutik.
- 18:00 Umeentzako jolasak eta tailerrak.
- 20:00 Kantu-jira, Plentzia Kantaguneren eskutik.
- 20:00 Talo-jana.
- 21:30 Zezensuzkoa eta jaien amaiera.