Joseba Gorodok eta Idoia Errexilek ekoiztutako dokumentalaren abiapuntua Plentziako herri-kanta zahar bat izango da, ahoz aho transmititu zena eta Buscalavida eta Milikua jokalari ospetsuen izenak goraipatzen dituena. Abestia orain euskarara ekarri dute, herriaren hizkuntza eta memoria berreskuratzeko keinu gisa. Kanta honek garai bateko kirolarien balentriez gain, euskararen zapalkuntza eta herriaren biziraupenaren sinboloa ere bada.
50 minutuko ikus-entzunezko lan honetan, musika, historia eta emozioa uztartzen dira, Plentziako futbolaren hastapenetatik gaur egungo komunitatearen harrotasuneraino. Emanaldia urriaren 12an egingo dute domekan, 18:00etan Goñi Portalen.
Beteranoen futbol-txapelketa
Era berean, klubaren mendeurrenaren ospakizunak direla eta, urriaren 12an, hirukoa jokatuko dute Atheltic Club, Real Sociedad eta SD plentzia futbol taldeetako beteranoek. Txapelketa 11:00etatik aurrera jokatuko dute Errotabarri futbol zelaian.
