Klubak ohar bidez nabarmendu duenez, Etxebarriak "errespetua, leialtasuna, sakrifizioa eta laguntasuna" bezalako baloreak izan ditu gidari, eta horri esker taldearen batasuna eta emaitza bikainak lortu dira. "Gorka ez da soilik entrenatzaile handia, pertsona handia ere bada", azpimarratu dute Arkoteko ordezkariek.
Agur mezuan, Orioko entrenatzaileak Arkoteko familia osoari eskerrak eman dizkio, urte hauetan bizi izandako esperientziagatik: "Barru-barruan eramango zaituztet pertsona zoragarriak zaretelako eta zuen etxea beti izango da Bizkaiko nere txoko kuttuna".
Hala, Etxeberriaren agurragaz, etapa arrakastatsu bati amaiera ematen dio Arkotek, eta datorren denboraldirako etorkizuneko proiektua prestatzen hasiko da.