Ekimenaren hurrengo fasean, bildutako ekarpenakaz euskararen aldeko dekalogo bat sortuko dutela iragarri dute Plentziako Udaleko antolatzaileek, eta abenduaren 3an, Euskararen Nazioarteko Egunean, aurkeztuko dute publikoki. Dekalogoak herriko euskara-planaren ardatz berriak markatu gura dituela ere aurreratu dute, eta Euskara Mahaiaren funtzionamendua berritzeko oinarri izango dela ere azaldu dute.
Antolatzaileen esanetan, "Ehun Bai Hitz ez da amaiera, baizik eta bide berri baten hasiera". Helburua da herritar guztien parte-hartzeagaz Plentzia euskaldun, bizi eta parte-hartzaileagoa eraikitzea, hitzez eta ekintzez.
