Danontzat Gaztetxeak eta Gorlizen Euskaraz taldeak antolatu dute emanaldia, egunotan Plentzian eta Gorlizen euskararen bueltan egiten ari diren egitarauaren barruan. Hain zuzen ere, Momentutxoa ez da egun hauetarako prestatu duten hitzordu bakarra: irailaren 25ean Palestinari buruzko dokumentala eta solasaldia egin zituzten Sertutxenan; urriaren 1ean, berriz, umeentzako jolasak izango dira Iberren, 17:00etan.
Egitarauaren egun nagusia urriaren 3an izango da, DANONTZAT Gaztetxean. Egun osoko egitaraua prestatu dute euskaraz elkartu eta gozatzeko, tartean mahai-ingurua, ipuin-kontalari musikala eta bazkaria. Hala, eguazteneko antzerki-emanaldiak euskarari lekua egiteko datozen egunetarako antolatutako jardueren artean hartuko du lekua.
Momentutxoa 19:00etan hasiko da Goñi Portalen, eta bertaratzeko ez da sarrerarik ordaindu beharko.
