Atzoko gertaera 17:15ean izan zen, Sabino Arana kalean. Udaltzaingoak jakinarazi duenez, Bilboko bizilaguna geldiarazi zuten, Bideko Segurtasunerako Plan Estrategikoaren baitako ohiko trafiko-kontrol batean. Agenteen arabera, gidariari dokumentazioa eskatuta, maiatzean epaileak zigortu zuela ohartu ziren, eta 18 hilabeterako gida-baimena erretiratu ziola, 2016ko azarora arte. Udaltzaingoak Bideko Segurtasunaren kontrako delitua leporatu zion eta epaiketa azkarrerako data finkatu da.
Udaltzaingoak azaldu duenez, delitu horregatik egindako esku-hartze gehienek ondokoakaz harremana daukate: gidariak gida-baimena erretiratuta edukitzea, gida-baimenik ez edukitzea, edo alkohola neurriz gainetik kontsumitu edo drogak hartzea. Halere, lehen aipatutako atxiloketetako bat ez-ohiko egoeran gertatu omen zen: gidariak ez zuen gainditu baimendutako alkohol-maila, baina gidatzeko kontraindikatutako medikamentuen eragin garrantzitsua omen zeukan.
