Ekimen horrek elkartasun xedea zuen; izan ere, faroltxoen salmentan bildutako dirua Aimar del Pozo ume gaixoari dohaintzan eman gura zioten, bere gaixotasunaren tratamenduan laguntzeko. Hala ere, norbaitek faroltxoaren dirua berreskuratu nahiko balu Turismo Bulegoetara joatea besterik ez luke. Bertan, faroltxoaren txartela entregatuz gero, dirua itzuliko zaio.
Sopelan faroltxoak zerura jaurtitzeko baimenik ez du eman Itsasertz Mugarteak
Sopela Kosta Fest jaialdiaren barruan antolatutako "Desioak zerura" ekimena bertan behera geratu da. Irailaren 27rako zegoen aurreikusita faroltxoak zerura botatzea; AENAk eskatuta, 23:30ean egin behar zuten, 21:30ean beharrean. Baina, Loiuko aireportura zetorren hegaldi baten atzerapena zela eta ezinezkoa izan zen, udal iturriek gaur jakinarazi dutenez. "Asmoa beste egun batean egitea zen, baina EAEko Itsasertz Mugarteak ez digu horretarako baimena eman", azaldu dute.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun