Eusko Jaurlaritzako Segurtasun Sailak albiste-agentziei jakinarazi zienez, eguerdia baino lehen topatu zuten gorpua kanpin-denda batean, "Ginger" txakurra alboan zuela. Abisua jaso ostean, Barinatxe hondartzara bertaratu ziren larrialdi-zerbitzuetako beharginek gizona hilda zegoela baieztatu besterik ezin izan zuten egin. Gorpua Auzitegiko Institutu Anatomikora eraman zuten, autopsia egiteko. Segurtasun Sailak adierazitakoaren arabera, lekuan bertan ez zegoen indarkeria zantzurik.
"El Correo" egunkariak adierazitakoaren arabera, Jose Francisco T. V. 2008an bota zuten Bilboko etxetik; informatikaria zen eta pisuan errentan zegoen. 2012an, berriz, kaudimengabe deklaratu zuten.