Lehenengo, Agate Deunaren lehiaketa egingo da, otsailaren 4an. Goizez eta arrastiz izango da. Kategoria bi egongo dira: A maila, 18 urtera artekoentzat; eta B maila, 18 urtetik gorakoentzat. Kategoria bakoitzeko sari bana emango dute: A kategoriako talde irabazleak 150 euroko saria eskuratuko du, eta B mailakoak, 250 euro. Horretarako, ondoko guneetan abestu beharko dute: Larrabasterrako Urgitxieta plazan 12:00etan, edo udaletxeko plazan 18:00etan, baita taberna hauetan ere: Laiak, La Kala, Urbaso, Setien, Señe eta Irubide. Kantariek baserritar-jantzia eroan beharko dute. Izena otsailaren 3ra arte eman daiteke.
Mozorro-lehiaketa
Inauterietako mozorro-lehiaketan izen-ematea, ostera, otsailaren 5eko 20:00ak arte izango da. Lehiaketa hori domekan egingo da, otsailaren 7an, arrastiko 18:00etan, Urko kiroldegian.
Mozorro-lehiaketa horretan bost kategoria egongo dira, adinaren arabera banatuta: 0-6 urte bitartekoena, 7-12 urtekoena, 13-20 urtekoena, eta 21 urtetik gorakoena. Edonork parte har dezake, baina ezin izango da izena eman desfilearen egun berean.