Erdigunea, oinezkoen lehentasuneko gune, Sopelan

Udaletxetik elizarainoko espaloiak zabalduko lirateke, Zipiriñeko zebrabidea moldatzeaz gainera. SOPELAKO EH BILDU

Udal-aurrekontuak aurrera ateratzeko, hitzarmena izenpetu zuten abenduaren akabuan EAJk, PSE-EEk eta EH Bilduk. Azken horiek aurkeztutako 13 zuzenketak aintzat hartu ostean, botoa ematean, abstenitu egin ziren koalizioko zinegotziak. Proposamenen artean, Sopelako erdigunean oinezkoei lehentasuna ematea eskatzen zuen EH Bilduk; Denok Batera alderdiak, ostera, ez du begi onez ikusten hori gauzatzeko ipinitako 130:000 euroko diru-partida.

Euren ustez, "zati bat oinezkoentzat ipintzea ideia ona da; baina, trafikoaren egoera eta beste aukera batzuk kontuan hartu barik egiteak arazo handiak ekarriko dizkigu". Besteak beste, Urdulizko ospitaleak erakarriko duen ibilgailu-kopurua berbabide daukate alde horretakoek. Horregaz lotuta, "trafikoaren aukeren inguruko ikerketa bideragarri eta fidagarri bat" eskatu dio Denok Batera alderdiak Udal-Gobernuari.

EH Bilduk erantzun dienez, "ikerketa bi egin dira egitasmo hau gauzatzeko: aurreko legegintzaldian, alkatetzan geundela, Hiriduna arkitektura-enpresak ikerketa eta proiektua egin zituen; eta, orain, EAJk eskatuta, trafikoari buruzko ikerketa egin du Leber enpresak". Guillermo Vio EH Bilduren bozeramailearen arabera, "hirugarren ikerketa bat egiteak ez dauka zentzurik". Urdulizko ospitaleko sarbideei dagokienez, “errepide horiek foralak” direla nabarmendu dute koaliziokoek; horrenbestez, "Aldundiagaz akordioa lortu ezean, Sopelako erdigunea ezin da urteetan autoen menpe egon", bere ustez.

Gontzal Hermosilla alkateak ez du adierazpenik egin gura izan, gai horren inguruan.

Erlazionatuak

Bozketan abstentzioa eman arren, udal-aurrekontuak kritikatu ditu Sopelako EH Bilduk

Sopela

EAJk, PSE-EEk eta EH Bilduk "2017ko aurrekontuen inguruko akordioa izenpetu" zutela zabaldu zuen abenduaren 30ean Sopelako Udalak; egun bat lehenag...
Sopelako EAJk, PSE-EEk eta EH Bilduk 2017ko aurrekontuen inguruko akordioa izenpetu dute

Sopela

"Bi euskarri nagusitan oinarriturik dagoen akordio honek, Sopela eta sopeloztarrontzat garrantzi handia dauka, pertsonenen alde lan egiteko eta des...