Emakume bati sexu-erasoa egin zioten bariku gauean, Sopelako jaietan, udal-arduradunek jakinarazi dutenez. Hala, Udalaren Bozeramaileen Batzordeak "erabateko gaitzespena" adierazi zion, aho batez, gertaera horri; era berean, "laguntasuna" azaldu zion erasotutako emakumezkoari. Ildo berean, atzo, domekan, erasoa gaitzesteko 15 minutuko kontzentrazioa egin zuten dozenaka lagunek, udaletxearen aurrean. Zapatu gauean manifestazioa egon zen, Sopela eta Larrabasterrako Jai Batzordearen ekimenez.
Aske utzi dute Sopelako sexu-erasoaren inguruan atxilotutako gizonezkoa
Berria.eus agerkari digitalak zabaldu duenez, emakume batek salatutako Sopelako sexu-erasoagaz lotutako 21 urteko gizonezko bat atxilotu zuen Ertzaintzak atzo, domeka. Komunikabideak gaineratu duenez, azken hori aske geratu zen, epailearen aurretik igaro ostean.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun