Abuztuaren 2an urgentziazko eta ez ohiko bilera bat egin zuen Sopelako Bozeramaileen Batzordeak. Bilera horren gai nagusia eta bakarra, uztailaren 30ean Sopelako PSE-EEren egoitzaren aurka egindako pintaketak izan ziren. Batzorde horrek gaitzespen-adierazpen bat adostu zuen. EH Bilduk kontrako bozka eman zuen; koalizioak testu alternatibo bat aurkeztu zuen.
Sopelako PSE-EEren egoitzan egindako pintaketak "Kepa del Hoyo preso galdakoztarraren heriotza arbuiatzeko" egin bazituzten ere, EH Bilduren arduradun sopeloztarren ustez, "bada garaia iraganeko egoera bortitza guztiz gainditzeko eta Espainiako Gobernuak daroan kartzela-politika errotik aldatzeko". Ezkerzaleen berbetan, "helburu hori lortzeko, elkarlana eta gizartearen babesik handiena ezinbestekoak dira". Hori dela eta, pintaketakaz "bat egiten ez" duela adierazi du Sopelako EH Bilduk, "gizartearen elkarlan hori oztopatzen dutelako".
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun