Politika Sopela 2018-07-11 16:18

Facebookek zentsuratu du Sopelako lasterketa nudistaren informazioa

Facebook-ek birritan zentsuratu du gaur HIRUKA.EUSek Sopelako lasterketa nudistaren gainean argitaratu duen kirol-artikulua. Kasu bietan, sare sozialak iragarri du digital honek Facebooken duen orritik "zerbait ezabatu" duela, enpresaren "komunitate-arauak bete ez dituelako".

Munarri Atletismo Taldeak antolatuko du lasterketa domekan, Sopelako Udalaren babesagaz. | Ikusi handiago | Argazki originala

Albistea sareratzeko lehenengo ahaleginean, HIRUKA.EUSeko erredaktoreek lasterketaren artxiboko irudi bat erabili dute, aurreko urteetan egin legez. Zentsura jaso ostean, argazki berbera erabili dute, baina moztuta, lasterkariak soilik gerritik gora ager zitezen. Halere, eduki "kasto" horregaz berdin jokatu du Mark Zuckerbergen nazioarteko enpresak: ezabatu du, aurrekoa bezala.