Sopelako Zipiriñe ikastetxeko Iraupen gurasoen elkartean elkarretaratzea deitu du eguen honetarako, urriaren 25erako, 19:00etan, udaletxearen aurrean, hezkuntza-zentroak dauzkan leku-arazoak salatzeko. Ordu bete beranduago, udal-batzarra egongo da bertan. Hain justu, gaur bertan, albistea argitaratu du "El Correo" egunkariak, Udalak planteatzen duen "irtenbide" bati buruz.
Institutu berria eraikitzeko aukera bakartzat jotzen du Ander Deunako zelaia Gontzal Hermosilla jelkideak zuzentzen duen EAJren eta PSE-EEren Udal Gobernuak, eta horrela jakinarazi ei dio Eusko Jaurlaritzaren Hezkuntza Sailari.
Iberre institutuak ere leku-arazoak ditu, akaso Zipiriñek baino larriagoak. Eraikin berriak konponduko luke hezkuntza-zentro biek daukaten leku-gabezia; izan ere, gaur egungo Iberre institutua eskola bihurtuko litzateke.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
