Sopelako Udalak jakinarazi duenez, eguaztenero, goizeko 9:00etatik eta 13:30ak arte, herritar orok alkateagaz pertsonalki batzartzeko aukera izango du hemendik aurrera. Horretarako, udaletxeko harreran aurretiazko zita eskatu beharko da.
Hartu dugun lehen neurria izan da, herritarrei udaletxeko zein alkatearen bulegoko ateak zabaldu”, esan du Sopelako alkateak. “Udalaren kudeaketa herritarrengana hurbiltzeaz gain, sopeloztarren eskaera eta arazoei konponbide azkarrak eman nahi dizkiegu".
Orain arte, hogei bizilagun inguru pasatu dira alkatearen bulegotik eta gobernu-taldeak bilera horien balorazio baikorra egin du. Kudeaketa estiloa "berehalako arretan eta gardentasunean" oinarrituko dela esan dute, "eraginkorragoak" izateko. Era berean, lehenengo une honetan zehaztutako ordutegia luzatzeko aukera ere izango da, herritarren aldetik zerbitzu horren eskaria handia bada.
