Emakume Langileen Nazioarteko Eguna 2020

Aste-akabuko egitaraua prestatu du Sopelako mugimendu feministak

Sopelako elkarretaratze feminista, artxiboko irudian.

Emakume Langileen Nazioarteko Egunari begira dago daborduko Sopelako mugimendu feminista. Gaur eta domeka artean, hainbat ekitaldi egingo dituzte udalerrian; era berean, Bilboko manifestaziora joateko deia egin dute.

Joan den otsailaren 28an elkartu zen Sopelako mugimendu feminista Kurtzio kultur etxean; bilera irekia izan zen eta bertan, besteak beste, martxoaren 8ari begirako egitaraua adostu zuten. Hala, barikutik domekara bitarteko ekintzak antolatu dituzte. Lehenengoa gaur izango da, Sare herritarrak taldeagaz antolatutako mahai-ingurua. Horretan, emakumea eta kartzela izango dute ardatz; 19:30ean jarri dute hitzordua, Kurtzio kultur etxean. Bihar, martxoaren 7an, serigrafia tailerra egingo dute udaletxearen aurreko plazan, 18:00etatik aurrera. Bertan, poltsak eta kamisetak egiteko aukera egongo da.

Domekan, martxoaren 8an, kalejira egingo dute herrian zehar. Goizeko 10:30ean jarri dute hitzordua, udaletxeko plazan. Ondoren, elkarretaratzea egingo dute, 11:30ean, Larrabasterrako Urgitxieta plazan. Bilboko manifestaziora joateko deia ere egin dute, 13:00etan Jesusen Bihotza biribilgunetik hasiko dena. Bertara joateko hitzordua jarri du Sopelako mugimendu feministak: eguerdiko 12:00etan Larrabasterrako metro geltokian.