Desinfektatzen diren guneak barandak, anbulatorioaren ingurua, semaforoen botoiak, edukiontziak, janari-denden eta farmazien inguruak, metro- eta autobus-geltokiak eta posta-bulegoa dira, besteak beste. Udalak azaldu duenez, zazpi langile arduratzen dira erratz bidezko ohiko garbiketa egiteaz eta paperontziak husteaz; garbitzaile-taldeak dituen beste lau langileetatik, batek erraztatze-makina darabil, beste batek furgoneta hidrogarbitzailea, hirugarrenak fumigatze-motxila, eta hamaikagarrena aipatutako kamioia erabiltzen hasi da.
Hidrogarbigailua duen furgoneta erdigunetik aparte daude guneetan ibiltzen da, zehaztu dutenez: Asu, Bareño, Loiola, Zaldu, hondartzak, Urko, Gatzarriñe errepidea eta Garden Center... Fumigatze-motxila leku beretan erabiltzen da, baina beste ordu batzuetan.
