Koronabirusa Uribe Kostan

"Negozio eta enpresen lankidetza" eskatu du Udalak, herriko ekonomiak dituen erronken diagnostikoa egiteko

© SOPELAKO UDALA

Bertako ekonomia suspertzeko planaren barruan, Sopelako Udalak herriko enpresa, negozio eta autonomoengana joko du, euren beharrez eta arazoez galdetzeko. Diagnostikoa behar bezala egiteko, udal-agintariek "ezinbestekotzat" jo dute enpresa eta negozio denek parte hartzea, eta horregatik lankidetza eskatu diete laster hasiko den prozesua garatzeko.

COVID-19aren ondoriozko egoeran "udalerriko sare ekonomikoak dituen beharrak eta arazoak identifikatzeko", enpresa-prospekziorako programa bat ipini du abian Udalak. Pandemiaren kalte ekonomikoak gutxitzeko neurriak planifikatzea da helburua; "ezinbestekoa da administrazioaren, saltokien, enpresen eta negozioen arteko lankidetza", adierazi du Teresa Fernández Enplegu eta Sustapen Ekonomikoko zinegotziak, "horrela lortuko baitugu krisi-egoera ahalik eta modu onenean gainditzea".

Datozen egunetan diagnostiko-lan hori egiten hasiko dira Udalak kontratatutako langile espezializatuak. Sektore guztietako enpresa eta negozioakaz jarriko dira harremanetan, telefonoz edo posta elektronikoz, eta haien proposamenak jasoko dituzte, "Udalari laguntzeko jarduera ekonomikoa berreskuratzeko eta ondoren horri eusteko neurriak hartzen". Datuak eskuratu ostean, Sopelako enpresa-sektoreakaz lan-mahaiak antolatzea aurreikusten dute.

Esan bezala, negozio eta enpresa guztien laguntza izatea oso garrantzitsua dela uste du Udalak. Hartara, interesa dutenei harremanetarako bide hauek eskaintzen dizkiete:

Erlazionatuak

Sopelako udalbatzak aurtengo aurrekontua aldatzea onartu du osasun-krisiari aurre egiteko

Sopela

Gaur jakinarazi dutenez, apirilaren 30ean egindako osoko bilkuran Sopelako Udaleko indar politiko denek bat egin zuten aurrekontuak aldatzeagaz, CO...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun