Koronabirusa Uribe Kostan

Hondartzetako aparkalekuen erabilera mugatuko du Sopelako Udalak

Arrietara-Atxabiribil hondartza. © SOPELAKO UDALA

Bizkaiko Foru Aldundiak eta udalek hondartza-denboraldirako hartutako neurri orokorren berri eman eta bi egunera, Sopelako Udalak bere lehen neurri espezifikoa jakinarazi du: Barinatxe eta Arriatera hondartzetara sartzeko aparkalekuaren zati bat eta Atxabiribilera sartzekoa osorik itxiko dituzte. Ezin izango da bertan autorik utzi, ezta zirkulatu ere.

Itxitako guneak apurka berriro zabaltzeko aukera egongo dela adierazi du Udalak, "bai osorik, bai ordu edo egun jakinetan", alarma-egoeraren bilakabidearen eta hondartzetako okupazioaren arabera. Hondartza-denboraldia ekainaren 15ean hasiko bada ere, aparkalekuak mugatzeko neurria bihartik (maiatzak 29) egongo da indarrean.

Bestalde, gogorarazi dute Aldundiagaz adostutakoaren ildotik Udalak aukera izango duela aipatutako hiru hondartzak husteko edo bertara sartzea mugatzeko.  

Azkenik, aparlakuotan TAO zerbitzurik ez dela egongo adierazi du Udalak.

Erlazionatuak

Hondartzen okupazio-maila kontrolatu eta koloreen bidez jakinaraziko zaie erabiltzaileei

Uribe Kosta

Bizkaiko Foru Aldundiak eta hondartza duten herrialdeko udalek horien erabilera-arauak adostu dituzte ekainaren 15ean hasiko den denboraldirako. Pe...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun