Koronabirusa Uribe Kostan

Zabalik dago epea negozioak Aktibate-Sopela bonu-kanpainari atxikitzeko

© SOPELAKO UDALA

Ekainaren 14ra arte izango dute aukera Sopelako dendari, ostalari eta zerbitzuen sektoreko profesionalek Akbitate-Sopela kanpainan parte hartzeko izena emateko. Udalak 6.746 bonu aterako ditu uztailaren 1ean, eta horiei esker, 20 eta 40 euroko erosketak egin ahal izango dira, 5 eta 10 euroko deskontuakaz hurrenez hurren. Zehazki, 5 euroko 4.497 bonu eta 10 euroko beste 2.249 banatuko dituzte. Denera 45.000 euro bideratuko dira kontsumitzaileei egingo zaizkien deskontuak ordaintzera.

"Helburua tokiko ekonomia berpiztea eta sopeloztarrek gure udalerrian ditugun establezimendu bikainak erabiltzea da", adierazi du Josu Landaluze alkateak, "non kalitatea, tratu pertsonalizatua eta profesionaltasuna aurki dezaketen Sopelatik irten gabe". Teresa Fernandez Enplegu eta Sustapen Ekonomikoko zinegotziaren esanetan, berriz, "ekimen honen bidez udalerriko jarduera ekonomikoaren eragile izan diren eta izango diren sektoreak biziberritu nahi dira, baina sektore horiek sustatzeaz gain, auzotarrek ere onurak jasoko dituzte, familien ekonomia arinduko baita neurri batean".

Bonuak uztailaren 1etik irailaren 15era bitartean banatu eta herritarrek ere epe horretan erabili ahal izango dituzte, kanpainari atxikitako establezimenduetan. Egindako erosketa bakoitzeko bonu bakarra erabili ahal izango da, erosketa gutxienez 20 eta 40 eurokoa bada, hurrenez hurren. Ezarritako epean trukatu ez diren bonuak ezingo dira ondorengo kanpainetan erabili.

Atxikitzeko eskaerak Udalak modu telematikoan emango duen eredu edo inprimakia betez egin beharko dira, eta Erregistro Orokorrean aurkeztu beharko dira, baita telematikoki ere, egoitza elektronikoaren bidez.

Erlazionatuak

Sopelako udalbatzak aurtengo aurrekontua aldatzea onartu du osasun-krisiari aurre egiteko

Sopela

Gaur jakinarazi dutenez, apirilaren 30ean egindako osoko bilkuran Sopelako Udaleko indar politiko denek bat egin zuten aurrekontuak aldatzeagaz, CO...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun