'Made in Sopela', Udalaren argitalpena tokiko kontsumoa sustatzen laguntzeko

Teresa Fernandez zinegotzia (PSE) eta Josu Landaluze alkatea (EAJ), aurkezpenean. © SOPELAKO UDALA

Teresa Fernandez Enplegu eta Ekonomi Sustapen zinegotziak eta Josu Landaluze alkateak Made in Sopela argitalpena aurkeztu dute gaur goizean emandako prentsaurrekoan. Azaldu dutenez, tokiko saltokiei eta negozioei bultzada emateko sortu dute tresna hori, joan den hilean abian ipinitako sopezabalik.eus establezimendu-gida osatzeko, besteak beste.  

Papereko eta interneteko edizio bana izango du Made in Sopelak, zehaztu dutenez. Ekimenean parte hartzen duten establezimenduetan banatuko dute lehenengoa, eta bigarrena, berriz, madeinsopela.com webgunean egongo da ikusbide (udal-webgunetik sartzeko aukera ere egongo da). Edukia bertoko merkataritzaren gaineko artikulu eta erreportajeek osatuko dute.

Bestalde, ekimenak bertsio "Pro" bat izango du, enpresen topagunea eskainiko diena. "Saltokiei eta negozioei zuzendutako gida digital bat da, Sopelako enpresen arteko harremana errazteko eta, beharbada, sare lokal bat sortzeko". Gida horretan parte hartzeko, nahikoa izango da enpresa bakoitzaren jarduera zein den adieraztea eta kontaktu pertsonal bat identifikatzea. Informazio gehiago lor daiteke info@madeinsopela.com helbidean eta 94 416 54 11 telefonoan.

Laburpen modura, COVID-19aren urtean tokiko merkatariei laguntzeko egindako ahalegina nabarmendu dute udal-gobernuko ordezkari biek. "Gustatuko litzaiguke egoerak hobera egitea eta 2021ean ezohiko laguntzaren premiarik ez izatea, baina beharrezkoak badira, ematen jarraituko dugu", azaldu du Teresa Fernandezek.

Erlazionatuak

Martxan dago sopelazabalik.eus, "Sopelako negozioen erakusleiho birtuala"

Sopela

Joan den astean iragarri legez, herriko establezimenduek euren produktuak, ordutegiak, helbideak... iragartzeko eta argitaratzeko erakusleiho birtu...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun