Errotik taldeak irabazi du Googaz 3.0 ekimenaren lehen fasea

Taldeek herriko merkataritzagaz lotutako frogak egin behar izan zituzten. © SOPELAKO UDALA

Gazteen pentsaera ekintzailea sustatzeko Googaz 3.0 ekimenaren lehen fasea irabazi dute Errotik taldea osatzen duten hiru neskek. Millenial inkonformista taldeak eta Sopelako Sustapen Ekonomikoaren Sailak hirugarren urtez antolatu duten lehiaketak elkarlanean jarri ditu gazteak eta herriko merkatariak.

Hirugarren urtez parte hartu du Sopelak Googaz 3.0 ekimenean; udalerrian Scape the Herria izeneko lehen froga egin zuten otsailaren 13an, zapatuan. Scape-joko horretan, 17 taldetan banatuta zeuden 46 gaztek parte hartu zuten, eta, guztira, herriko merkataritzagaz erlazionatutako 11 jarduera egin zituzten; hala nola Sopelako komertzio zaharrena aurkitu, xehetasun batzuk betetzen zituzten establezimenduen argazkiak atera, galdera batzuk erantzun…

Errotik taldea osatzen duten hiru neskek irabazi zuten lehen froga hori, eta, orain, Bizkaiko gainerako udalerrietako talde irabazleakaz lehiatuko dira Bizkaiko Kopan. Hortik irabazle ateratzen den taldeak Europatik bidaiatzeko aukera izango du, ezagutzeko beste herrialde batzuetako merkatarien arazoei nolako konponbideak ematen dizkieten.

“Orokorrean, gazteen parte-hartzea eta jarrera oso ona izan zen. Jokoan zein ideia berrien planteamenduan gogotsu jardun baitzuten. Izan ere, ustez baino denbora gehiago egon ziren proposamenak aztertzen, eta agerian geratu zen, beraz, dena ondo egin nahi zutela”, adierazi dute antolatzaileek.

Erlazionatuak

Gazte ekintzaileak tokiko merkataritzara erakartzeko Googaz 3.0 ekimenera batu da Sopela

Sopela

Herriko merkatariak eta gazte ekintzaileak elkarlanean jarriko dituen Googaz 3.0 ekimena abiatuko dute hilaren 13an. Horregaz, 18 eta 30 urte bitar...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun