Pili Serranok, Itzartu elkarteko presidenteak, adierazi duenez, "bihotzeko minagaz goaz, baina, aldez aurretik, eskerrak eman gura dizkiegu elkartea sortu zutenei, beraiek gabe ez ginelako honaino helduko, baita ibilbide honetan lagundu gaituzten guztiei ere: Emakunderi, Bizkaiko Foru Aldundiari, Eusko Jaurlaritzari, eta, bereziki, Sopelako Udalari, beti izan baititugu gure ondoan".
Jarraian, elkarteko antzerki-taldeak martxoan egindako azken antzerkian eta Itzartuk oraindik zuen dirua dohaintzan eman diete Vanesa Cuñado La Cuadri del Hospi elkarteko kideari eta karitate-proiektuak kudeatzen dituen Borja Uriarte Sopelako parrokoari.
Elkartea 1991ean jaio zen, udalerrian emakumeentzat zegoen jardueren aukera faltari erantzuna emateko. Lanean aritu diren hiru hamarkadetan hainbat kultur jarduera, tailer eta bestelako ekintza antolatu dituzte. Azaldu dutenez, azken urteetan ez Itzartun ez da belaunaldi txandaketarik egon, eta hainbat urtez emakume berdinak egon dira elkartearen jarduerak antolatzeko boluntario-lanetan. Urteetako nekearen ondorioz, azkenean, Itzartuko kideek elkartea disolbatzea erabaki zuen iaz, hiru hamarkadetako ibilbidearen ondoren.
