Neska* gazteok gara gure inguruneetan ongizatea bermatzen dugunak, gizonek ardurarik hartzen ez duten bitartean. Gu gara erasoen aurrean antolatzen garenak, protokoloak sortzen ditugunak, gizonek erasotzen jarraitzen gaituzten bitartean. Neska* gazteok gaude lan prekarioenetan, kontraturik gabe askotan: haur txikien zaintzan edo klase partikularrak ematen, besteak beste.
Finean, geuk daukagu ongizatea bermatzeko ardura. Hori egin beharko lukeen sistemak tresnarik eskaini ez eta are gehiago zapaltzen gaituen bitartean. Horregatik diogu elkar zaintzea autodefentsa feminista dela; komunitatea eta kolektiboa erdigunean jartzea bezala. Gure bizitzak erdigunera ekartzea apustu erradikala delako sistema osoaren logika inpugnatzeko. Inposatutako sistemari erresistentzia egiten jarraituko dugu, erasoen aurrean erantzuten, beti kolektiboan.
Sistema honetan elkar zaintza erradikala delako, gora autodefentsa feminista!
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.
