Segurtasun Sailak jakinarazi duenez, otsailaren 19ko goizaldean, Sopelako inauterietako jaien testuinguruan, Ertzaintzak zazpi jarduketa egin zituen indarkeria eta beldurra erabiliz egindako lapurretengatik. Biktimek eta lekukoek agenteei jakinarazi zieten ustezko lapurrak gazte-talde bateko kideak zirela, eta biktimei ukabilkada batzuk eman ondoren eta laban batzuekaz mehatxu eginez, urrezko kateak, mugikorrak eta dirua lapurtu zizkietela.
Gerora, erasotuek lau salaketa jarri zituzten indarkeria eta beldurra erabiliz egindako lapurretengatik eta beste bat eraso egin eta lesioak eragiteagatik. Getxoko Ertzain-etxeko agenteek burututako ikerketaren ondorioz, aurreko martitzenean bi gizonezko susmagarriak atxilotu zituzten, eta gertakizunakaz zerikusia izan dezaketen 18 eta 21 urte bitarteko beste bost identifikatu zituzten.
Momentuz, atxilotutako bi pertsonak Getxoko Guardiako Epaitegiaren esku jarri dituztela azaldu dute.
