Sopelako Eraztun Berdeak baditu dagoeneko identifikatuko dituen irudi korporatiboa, logotipoa, koloreak eta tipografia. Jon Ander Etxebarria Moreno da egilea, izan ere, bera izan zen Eraztun Berdearen Kontseiluak abian jarri zuen lehiaketaren irabazlea. Modu horretan, egitasmoaren logotipoa eta ezaugarri identifikatzaileak zehazteko helburua bete dute.
Lehiaketaren irabazlea iragarri zuten martxoaren 29an, proiektua bera osatzen duten herriko elkarte eta talde politiko guztien onespenagaz. “Pasa den urtarrilean Sopelako Eraztun Berdearen mapa aurkeztu genuen; Eraztun Berdea identifikatuko duen logotipoaren zehazpena beste aurrerapauso bat da bere osaketa-ibilbidean. Horregatik, pozik gaude”, adierazi dute Kontseilutik.
Hala, Sopelako Udalak gogorarazi du Eraztun Berdea dela udalerriko interesguneak lotzea ahalbidetuko duen ingurumen proiektua: "Herriko ondare natural, kultural eta historikoari balioa ematea da helburua, betiere, biodibertsitatea eta gune-naturalak kontserbatzearen aldeko apustua eginez".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
