Sopela eta Larrabasterrako Txosna Batzordeak adierazi duenez, Sopelako Udalak adierazi die jaietako txosna-gunea udalerriko Loroñoko aparkalekuan jarri beharko dutela. Hala, Txosna Batzordeak "txosna-gunea herrigunetik kanpo" eraman gura dutela salatu du, eta ezinbestekotzat jotzen du "herriko jaiak herriaren erdigunean" izatea. Horregatik, elkarretaratzea egiteko deia zabaldu du, aste honetako eguenean, maiatzaren 25ean, Sopelako Udaletxeko plazan, arratsaldeko 19:00etan. Modu horretan, Sopelako jaietan txosna-gunea herrigunera bueltatzea exijituko dute.
Sopelako erdigunean egiten ari diren lanak, udaletxearen eta San Pedro elizaren artekoak, maiatzaren amaierarako bukatuta egongo zirela iragarri zuen udalerriko gobernu-taldeak apirileko osoko bilkuran. Orain, jaietako Txosna Batzordeak salatu du sanpedroetako txosna-gunea "arrazoi teknikoengatik" Loroñora mugitzeko agindu dietela, lanak ez omen dituztelako uztailaren erdialdera arte amaituko.
Horregatik, aste honetako eguenerako, maiatzaren 25erako, elkarretaratzea egingo dute Sopelako Udaletxeko plazan, 19:00etan. Hala, argi adierazi dute jaiak herrigunera bueltatzeko borrokan jarraituko dutela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
