Larrabasterrako Karmengo eliza okupatu dute

Ander Zarraga 2023ko eka. 10a, 10:53

Gazteen helburua da gune autogestionatu bat sortzea bertan.

Atzo, hainbat gazte Larrabasterrako Loiola Ander Deuna kalean dagoen Karmengo elizan batu ziren, eta jakinarazi zuten aspalditik hutsik zegoen eraikinean gune autogestionatu bat sortzeko asmoz hura okupatuta dagoela. Adierazi zutenez, euren helburua da "Uribe Kostako errealitate desberdinei erantzuna eman diezaioketen gunea sortzea". Momentuz, gaur, zapatuan, gosari herrikoia egin dute goizean eta babesa eskatu diete herritarrei "desalojo arin baten aurrean erantzuna emateko".

Iaz, Sopelako gobernu-taldeak (EAJ-PSE) tenplua Gotzaindegiari erosteko asmoa adierazi zuen; izan ere, Josu Landaluze alkateak bertan "Bilborock moduko" kultur gune bat egiteko asmoa zuela iragarri zuen. Udal-iturrien arabera, Gotzaindegiak 400.000 euro eskatu zituen aspalditik erabilerarik gabe zegoen eraikinagatik.

Aldiz, Udaleko oposizioko taldeek eraikina bereganatzeak suposatuko lukeen gastu handiagaz desadostasuna adierazi zuten, hori erosteaz gain kanpotik zein barrutik berritu beharko litzatekeelako.

Jendartea Sopela

Erlazionatuak

"Bilborock" bat egin gura dute Larrabasterrako Karmengo ermitan

Ander Zarraga 2022 urr 06 Sopela

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun