Sopelako San Pedro jaiak bukatu dira, eta horregaz batera, festen balorazioa laburbiltzen duen agiri bat partekatu du Sopelako Kuadrillak taldeak. Bertan, komunikatu du salatutako bi eraso matxista gertatu direla jaietan, eta horien kontrako "gaitzespenik irmoena" adierazi du: "Gure herrian ez dugu horrelako jarrerarik onartuko, erasotzaileak ez zarete ongi etorriak, guztiz soberan zaudete". Halaber, egunotan Sugarri Sopelako talde feministak egindako lana aitortu du taldeak, euren konpromiso militantea azpimarratuz.
Eraso matxistez gain, jaietan eman diren "errespetu faltak" ere aipatu ditu taldeak: "Horrela ez goaz inora, ez elkarte gisa ezta gisa ere".
Horrenbestez, komunikatuan jai herrikoi, euskaldun, parte-hartzaile eta parekideak sortzen lagundu duten guztiak zoriondu ditu taldeak, Sopelako kolektibo zein eragile ezberdinak aipatuz, eta Sugarri talde feministak egindako lana nabarmenduz. Hala, herritar guztien artean urteko egun guztietan herria eraikitzen jarraitzeko mezua nabarmendu du, "herria bizi eta herrian bizi" gura dutelako.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
