Sindikatuek greba deialdi hori formalki jakinarazi diote Sopelako Udalari. Aurretik, patronalak eta sindikatuek aurreakordio bat adostu zuten Bizkairako hitzarmen berri bat egiteko. Hala ere, Sopelako kiroldegiko langileek mobilizazioakaz jarraitzea erabaki dute, hitzarmen propio baten bidez beraien lan-baldintzak hobetzeko.
Udalak nabarmendu du Sopelako kiroldegia "oso zerbitzu garrantzitsua" dela herritarren osasunerako, aisialdirako, hezkuntzarako eta ongizaterako. BPXport enpresagaz egindako kontratua zerbitzuaren kudeaketa integralaren lagapen bat da. Enpresak bere gain hartzen du jardueraren erantzukizun eta arrisku guztia, eta, beraz, Udalak ez du inolako eskumenik enpresaren eta langileen arteko lan-harremanean. Hala ere, Udalak beharrezkoa ikusten du bi aldeen arteko hurbilketa bat erraztea, akordio baikor batera irits daitezen eta, horrela, kiroldegia ekainean itxi ez dadin.