Sopelako kiroldegiko sindikatuek greba deitu zuten ekainaren 10etik 30era, hitzarmen propioa lortzeko helburuagaz. Aurretik, patronalak eta sindikatuek aurreakordio bat adostu zuten probintzia-mailan Bizkairako hitzarmen berri bat egiteko. Hala ere, Sopelako kiroldegiko langileek mobilizazioakaz jarraitzea erabaki zuten, probintzia-hitzarmenagaz alderatuta lan-baldintzak hobetzeko. Hitzarmen propioaren ondorioz grebak deitu zirenetik, Udalak aldeen arteko bitartekotza egiteko konpromisoa hartu du.
BPXport enpresagaz egindako kontratua kudeaketa integralaren lagapen bat da. Enpresak bere gain hartzen du jardueraren erantzukizun eta arrisku guztia, eta, beraz, Udalak ez du inolako eskumenik enpresaren eta langileen arteko lan-harremanean. Hala ere, Sopelako Udalak jakinarazi du beharrezkoa ikusten duela hurbilketa bat bultzatzen jarraitzea, "bi aldeak aldeko akordio batera irits daitezen eta, horrela, kiroldegia denbora gehiagoz itxi ez dadin".
