Herriko Bideen Inbentarioaren inguruko alegazioak egiteko epea irailaren 30era arte luzatu zuen Sopelako Udalak. Hori dela-eta, uda sasoia bukatuta, hitzorduak hartzeko aukera zabaldu da berriro ere.
Bideen inbentario hori Eraztun Berdearen Kontseiluak proposatu zuen, eta bereziki Kiribile elkarte ekologistak, Sopelako landa-bide historikoak berreskuratzeko proiektu estrategiko gisa. Hau da, garai batean udalerriko zonaldeak lotzeko erabiltzen ziren bide tradizionalak.
Bide horiek iraganeko garaietara eramaten dituzte herritarrak, eta, gaur egun, landa-eremuko Sopelako bide eta paraje esanguratsuenez ibilian gozatzeko aukera ematen dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
