Sopelako Udalaren azken jarduera horren berri eman zaie daborduko Foru Aldundiko Garbiketa eta Sorospen Zerbitzuari, Eusko Jaurlaritzako Larrialdi Sailari eta Getxoko Ertzaintzaren komisaldegiari. Hala, arrapala itxita egongo da obraren bigarren fasea egin arte, hau da, ezponda finkatu arte, oinezkoak arriskuan ez jartzeko. Bigarren fase hori gauzatzea Kosta Mugapeari eskatu zaio, legezko bideak erabiliz, eta datorren astean amaituko da erantzuteko epea. Erantzuna ezezkoa bada, Udalak subsidiarioki jardungo du horretan ere, eta jarduketa guztien kostua Kosta Mugapeari eragingo dio etorkizunean.
Barinatxeko hondartzako arrapala egokitu du Sopelako Udalak, larrialdietako eta garbiketako ibilgailuak hareatzara sartu ahal izateko
2023ko abenduan luizia jazo zen Barinatxe hondartzan. Bertako ezponda behin-behinean ziurtatu ostean, Sopelako Udalak lur-jausiaren hondarrak kendu ditu orain, larrialdietako eta garbiketako ibilgailuak hareatzara sartu ahal izateko. Jarduera horiek modu subsidiarioan egin ditu Sopelako Udalak; izan ere, Kosta Mugapeak, agintari eskudunak, eta udalaz gaindiko gainerako administrazioek, hala nola Eusko Jaurlaritzak eta Bizkaiko Foru Aldundiak, "ez dute inolako erantzukizunik hartu" Udalak deitoratu duenez.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun