Udal gobernuko kideek Txosna Batzordeari adierazi diote haiek ezin dutela txosten tekniko baten prozeduran eragin, hori araututa dagoelako: "Kontrakoa egitea prebarikazio delitua egitea litzateke". Hala, nabarmendu du udal gobernuak Txosna Batzordearen lana eskertzen duela eta beragaz lankidetzan jarraitu gura duela.
Horregatik, gertatutakoa eta gero, argi du Jaietako Ordenantzaren berrikuspena baloratzeko beharra, "Txosna Batzordearen ekarpenak ez ezik, Sopelako bizilagunenak ere kontuan hartuta". Halaber, konpromisoa hartu du txosna kideakaz komunikazioa estutzeko, "egindako bileraren kasuan bezala, bien arteko harremana modu eraginkorragoan eta arinagoan gerta dadin".
