Iturriaren kokapenaren prozesua dela-eta, Sopelako gobernu-taldeak argitu gura izan du iturria Zipiriñeko hesiaren kanpoaldean kokatzeko kostuaren zenbatekoa okerra zela lanen balorazio zuzena egin ahal izateko, eta horrez gain, iturria eskola patioan jarri zela beharrezkoa zen aurretiazko komunikaziorik egin gabe.
Eskola Kontseiluak iturria eskolan bertan jartzearen egokitasunari buruz zalantzak zituela jakitun eta prozesuan izandako gorabeherak aitortuta, gobernu-taldeak azaldu du egoera bideratu duela, "ahalik eta akordio onuragarriarena lortzeko sopeloztar guztiontzat".
Guruzne Carrasson alkatearen arabera, "garbi genuen iturriaren azken kokapena Zipiriñeko hezkuntza-komunitateak erabaki behar zuela. Zalantza guztiak argituta eta arazoak gaindituta uste dugu emaitza oso positiboa izango dela Sopelarentzat: iturri bat izango dugu hezkuntza-komunitateak adostutako lekuan, patioaren kanpoaldean, prozesu partehartzailean gehien bozkatutako beste proiektu baten aurrean, Zipiriñeko eskolarainoko bidegorri tarte berria”.