Atzo, irailak 14, Vilaviciosako (Asturias) Playa Españan egin zen Junior Serieetako Espainiako Txapelketak Estatuko surf onenak bildu zituzten 18 urtez azpikoetan, 16 urtez azpikoetan eta 14 urtez azpikoetan, gizonezkoetan zein emakumezkoetan.
Emakumezkoen 18 urtez azpiko final handian euskal surflari bi sartu ziren: Saioa Ortega bizkaitarra, Sopelako harrobiko surflaria, eta Laine Fernandez Goenaga gipuzkoarra. Txanda erabakigarria Sol Borelli kanariarrak eta egungo txapeldun eta faborito nagusiak eta Kenia Lopez asturiarrak osatu zuten.
Maila oso altuko norgehiagokan, Saioa Ortegak lasaitasunari eutsi zion eta bere surfik onena baldintza zailetan egin zuen, Borelli lanzarotarrari, Fernandezi eta Lopez asturiarrari gailenduta.
