Unax eta Markel hautatuak izan ziren joan den irailean Argentinako Venado Tuerton jokatutako 23 urtez azpikoen Munduko Trinkete Txapelketan, eta brontzezko domina lortu zuten paleta larruzko modalitatean, Euskal Selekzioagaz.
Beraiekaz batera, Ibon Garate ere arituko da datorren azaroaren 23tik aurrera Bilboko Bizkaia frontoian jokatuko den Nazioen Ligan, pala motzeko jokamoldean, hurrengo urtean Argentinan egingo den Munduko Txapelketarako prestaketa gisa ere balioko duena.
Bihar egingo duten omenaldiaren, bi partida berezi jokatuko dituzte: lehenik, larruz Landeta eta Alkorta (Urrutia lesioagatik baja) arituko dira Madariaga eta Ibai Perezen aurka; ondoren, Ibon Garatek eta Imanolek neurtuko dituzte indarrak Gaubeka eta Ibargarayren aurka, pala motzean. Gainera, ekitaldian zozketak egingo dituzte, Euskal Selekzioko kamiseta bat eta Frontoi tabernako Urkok eskainitako urdaiazpiko zoragarri bat barne.
