Kultura  Urduliz 2017-12-01 12:46

Euskararen Eguna ospatuko dute gaur Urdulizen

Euskararen erabilera bultzatzeko eguneko egitaraua antolatu dute Urdulizen. Arrastiko 16:00etan batuko dira askotariko neska-mutilak Elortza eskolan, umeentzako ekintzak egongo baitira. Ondoren, merienda, disko-festa eta kalejira egingo dute kultur etxera arte; bertan, txotxongilo-ikuskizuna egongo da, 18:30etik aurrera.

Euskararen Eguna ospatuko dute gaur Urdulizen
"Katillukadak" antzezlana egongo da ikusgai kultur etxean. | Ikusi handiago | Argazki originala

Egitaraua

Abenduak 1, barikua

  • 16:00 Umeentzako ekintzak, Elortza eskolan.
  • 16:15 Umeentzako merienda.
  • 16:30-18:00 Disko-festa, gorputzak mugitzeko egundoko aukera egongo Elortza eskolan.
  • 18:00-18:30 Herriko pandero-joleek eta trikitilariek girotuta, kalejiran joango dira kultur etxeraino.
  • 18:30 "Katillukadak" txotxongilo-ikuskizuna, kultur etxean. Bertsolaritza eta umorea uztartzen dituen ikuskizuna da, txotxongiloen bidez:

Katillu bertsolari ohia da. Azken hogeita hamar urteetan, herriz herri ipuinak kontatzen dihardu, bere lagun txotxongiloakaz batera. Bera da «txiringito»ko burua. Orain, sukaldari; orain, foku-teknikari; orain, dantzari; orain, bertsolari... Denetarik egiten du eta zeregin baten eta bestearen artean... ipuinak kontatzen ditu. Katillukadak txotxongiloak manipulatzeko bost teknika erakusten dituen antzezlana da. Lau ipuin labur antzezten dira; bakoitza, teknika banagaz, eta, bakoitza, mezu banagaz ere bai.

2017/12/01 16:00 - 19:30

Elortza eskola eta kultur etxea Urduliz

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa