Koalizioko legebiltzarkide David Sotok adierazi du "oso kezkatuta" dagoela "euskal industria sektorean izan diren azken albisteengatik", besteak beste, Stellantis automozio-korporazioak "Urdulizko Mecaner enpresa itxi eta 144 langile kaleratu gura izateagatik". Ohartarazi duenez, "euskal industriaren zati handi bat korporazio handien eta inbertsio-funtsen esku geratzen ari da, eta ez dago inolako errotzerik epe laburrerako irabazien bila dabiltzan lurraldean". Halaber, azpimarratu du ezin direla "begira gelditu" euren industriak nola desegiten dituzten ikusten duten bitartean.
Horregatik, Eusko Legebiltzarreko Elkarrekin Podemos-IU taldeak galdera sorta bat aurkeztu du martitzen honetan, irailaren 5ean, Eusko Jaurlaritzak idatziz erantzun dezan. Bertan, taldeak eskatzen dio argitu dezala ea Stellantiseko jabe berriakaz bilduko den eta ea neurririk hartuko duen "Urduliz Mecaner enpresak ateak ixtea saihesteko".
