Genero ikuspegitik jorratutako pelikulez gozatzeko aukera bueltan da Urdulizen "Begirada barri bat, guztientzako zinema" ekintzaren bidez. Hala, irailaren 27an, barikuan, Ainbo amazonako gerraria pelikula doan ikusi ahalko dute bizilagunek herriko kultur etxean. 18:30ean da hitzordua eta Iratxe Urkiaga eta Karmele Larrinaga dira dinamizatzaileak. Egun horretarako ez da haurtzaindegi-zerbitzurik egongo. Hona hemen trailerra.
Doako sarrera izan arren, sarrera Urdulizko kultur etxean jasotzea gomendatzen du Udalak.
Sinopsia:
Ainbo txikia Amazoniako oihanaren sakonean bizi da. Ama galdu eta bere herriko helduakaz borrokatu ondoren, arkulari gazte honek bere herria gizon zuriaren botere suntsitzailetik salbatzeko bidaia bati ekingo dio. Bere bi gidari espiritualek laguntzen diote, armadilo liztor bat eta tapir txintxo-txintxo bat.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!