Urdulizko Udalak jakinarazi duenez, hurrengoak izango dira 2025eko aurrekontuakaz gauzatuko diren ekimenak: hiri-altzariak instalatzea, bankuak parkeetan eta pasealekuetan; ikasketa-gelan hobekuntzak egitea eta herriko horma hutsetan horma-irudi apaingarriak egitea. Prozesuaren xehetasun guztiak hemen.
Gainera, Udalak azaldu du daborduko badituztela lehenengo fasean hautaturiko zortzi proiektuakaz loturiko emaitzak. Parte hartzeari dagokionez, 281 eskuorri jaso dira, 90 informazio-karpetan eta teknikari ibiltarien bitartez, 61 urnen bidez eta 130 online. Bilduriko denetatik 6 soilik gelditu dira azken zenbakietatik kanpo aurrez ezarritako parte-hartze arauak ez betetzeagatik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
