Herritar eta langile talde batek, sindikatuen babesagaz, dei egin dio Eusko Jaurlaritzari Mecanerren etorkizuna bermatzeko, nabarmenduz horretarako beharrezkoa dela industria-proiektua trantsizio ekosozialari lotuta egotea. Proposamenak barne hartzen du enpresaren instalazio eta lursailen erosketa publikoa, 2025eko aurrekontu orokorrak erabiliz erosketa hori gauzatzeko. Eskaria plazaratzeko agerraldia egingo dute azaroaren 26an Urdulizen, 17:30ean.
Ekimen honen bultzatzaileek azpimarratu dute Mecanerren etorkizuna kolektiboki erabaki behar dela. Halaber, nabarmendu dute edozein ekoizpen-jarduerak ingurumen-iraunkortasunaren, erantzukizun sozialaren eta garapen ekonomiko inklusiboaren printzipioekin bat etorri behar duela: "Horretarako, Eusko Jaurlaritzak lurrak eta instalazioak erosteko exijitzen dugu eta hori aurrekontuen bidez egin behar da".
Eskari hori agerian jartzeko, prentsaurrekoa egingo dute azaroaren 26an, 17:30ean, Urdulizko Mecaner enpresaren instalazioen aurrean. Horregaz batera, ekintzarako deia ere egin dute: "Mecanerren etorkizuna herritarrok erabaki behar dugu. Trantsizio ekosozialeko proiektu bat gauzatu behar da. Orain da unea".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
