Lehen faseko diagnostikoaren eta herritarren ekarpenen ondoren, orain Aurrerakinaren irizpide eta helburu nagusiak zehaztuko dira. Hori gauzatzeko, herritarrakaz parte-hartze saio ireki bat egingo dute urriaren 15ean, eguaztenean, 18:00etatik 20:00etara, Urdulizko Kultur Etxean. Saio horretan, 3 eta 11 urte bitarteko umeentzako haurtzaindegi zerbitzua eskainiko da saioan zehar; zerbitzua urriaren 13ra arte eska daiteke honako estekan:
Udal-iturriek gogoratu dutenez, Urdulizen indarrean dauden Arau Subsidiarioak 2000. urtekoak dira, 25 urte geroago, eta, gaur-gaurkoz, arau horiek berrikusten ari dira egungo eta etorkizuneko beharretara egokitutako HAPO bat sortzeko. Era berean, azpimarratu dute HAPO udal-tresna nagusia dela Urdulizko biztanleek gura duten etorkizuneko udalerri eredurantz aurrera egin ahal izateko.
Era berean, gaineratu dute prozesu osoan zehar herritarren parte-hartzea "oso garrantzitsua" dela, batez ere diagnostikoaren lehen faseetan eta Aurrerakin-fase honetan. Hala. eguaztenean egingo duten topaketa horretan herritar guztiek izango dute aukera proposamenak egiteko eta etorkizuneko udalerri-ereduaren inguruan eztabaidatzeko: "Zer herri nahi dugu bizi, lan eta gozatzeko?"