Mozorro-dantza ez da oraindino amaitu gurean

Aurreko asteburuan hasi ziren a­rren, aratusteek zapatu honetan, otsailak 21, jarraituko dute Algortan. Egun ho­­rretan izango dute ospakizunen egun handia algortarrek. Ohi bezala, koadrilen mozorro txapelketa e­ta bazkari handia egongo dira. Aur­tengo gaia filmak izango da. Horrez gainera, besteak beste, desfilea, gin­kana eta erromeria egingo dituzte Telletxen. Bien Bitartean, San Niko­­las Ibilbideko tabernek haurrentzako eta nagusientzako mozorro txapelketak prestatu dituzte. Domekan, ostera, u­me­entzako puzgarriak eta txistorra-jana egongo dira, Telletxen.

Algortako egitaraua

Berangori dagokionez, zapatuan, 18:00etan hasita, kalejira egingo du­­te Berangoeta kultur etxetik fron­toira. Bertan, dantzaldia izango da. Domekan, ostera, Otxandategi Dan­tza Taldeko kideek maskarada e­ta zanpantzarra antzeztuko dute, 11:00etatik aurrera. Ikuskizuna he­rriko auzoetan barrena egingo dute.

Trabudu Dantzari Taldeak ere a­ra­tuste-ikuskizuna eskainiko du za­­­patuan Astrabuduan, 18:00etan, hasita. Dantzaldia ere egongo da.