Bermeoko Kafe Antzokian jokatu zen atzo, domeka, Bizkaiko Bertsolari Txapelketaren Udabarriko Faseko bigarren norgehiagoka; saioa Ander Elortegi Garatea gernikarrak irabazi zuen. Dani de Miguel Avecilla algortarrak, ordea, azkena izan zen. Hurrengo saioa Astrabuduko Josu Murueta kultur etxean jokatuko da, zapatuan, apirilak 23, 17:30etik aurrera.
Astrabuduko saioan Arrate Illaro algortarra, Paule Loizaga sopeloztarra eta Aitor Esteban itzubaltzetarra lehiatuko dira beste hiru bertsolariakaz.
Sailkapen orokorrari dagokionez, Berrizko lehenengo saioa irabazi ostean, Peru Vidal leioaztarra jarri zen buruan, 178,25 puntugaz; Bermeoko saioaren ostean, ordea, Ander Elortegi dago lehenengo sailkapen orokorrean, 179,25 puntugaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.