Plentziako eta Gorlizko Gaminiz auzoko aurtengo San Juan suagaz batera, umeentzako ekitaldiak antolatu ditu Gaminiz Bizirik auzo-elkarteak barikurako, hilaren 23rako. Neska-mutilentzako puzgarriak egongo dira, 16:00etatik aurrera, eta 18:30ean, magia-ikuskizuna eta diskoteka egongo da ume eta gazte denentzat.
Horren ostean, trikiti-soinuagaz alaitutako kalejira egingo dute auzoan zehar. Suaren aurretik txistorra eta txokolatea banatuko dute. 21:00ak aldera, berriz, San Juan sua isiotuko dute. Bien bitartean txalapartariak izango dira gaua girotzen.
Aurten, San Juan bezpera barikua izanda, ospakizuna luzatuko dute eta, suaren ostean, Manu Urzay abeslari gorliztarra izango da bertaratutako denak dantzan ipintzeko.
2017 eka 29 Uribe Kosta
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!