Kultura  Erandio  Leioa 2017-07-07 12:50

Santimamiko jaiak, berrituta

Hilaren erdialdean ospatuko dituzte Santimami auzoko aurtengo jaiak. Leioako eta Erandioko udalek iragarri dute bi udalerrietako mugan dagoen auzune horretako festak hilaren 17an eta 18an izango direla. Jai-batzordeak ez du ezeztatu, baina baieztatu ere ez du egin.

Santimamiko jaiak, berrituta
Santimamiko landa jendez lepo, Kanpomartxo batean. © BERBOTS | Ikusi handiago | Argazki originala

Izan ere, oraindino egitaraua zehazten dabiltza festetako antolatzaileak. Alain Beraza jai-batzordeko kide eta Guda Dantza musika-taldeko partaideak azaldu duenez, jai-batzorde berria osatu dute Santimamiko eta Leioako zenbait gaztek. Euren lehenengo urtean, azterketak bukatu ondoren esku bete lan dabiltza, baina norabidea argi dute: “gure helburua auzoko jaiei ikuspegi berria ematea da. Betidanik egin diren ekintzak mantenduz, egitarau berria sortuko dugu, gazteriarentzat zenbait ekintza prestatuz”. Hala, musikari garrantzi handiagoa emango diote, kontzertuak eta DJ-saioak antolatuta.

Iaz desagertzear egon ziren Santimamiko jaiak, orain dela 16 urte eratutako jai-batzordetik geratzen zen azken kideak festak antolatzeari utzi zionean, lan-kontuengatik. “Pena handia” ematen ziola aitortu zuen auzotarrak. Azkenean auzokideek eta udalek aurrera atera zituzten iazko jaiak, eta erreleboa heldu da.

2017/08/17 - 2017/08/18

Santimami Erandio Leioa

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa